- Samþættingar
- Verðlagning
- Hjálparmiðstöð
- Lærdómssetur keyboard_arrow_down
Það er mikilvægt að þú sért með bókhald yfir hagnaðinn í dropship versluninni þinni svo að þú getir mælt árangur rekstursins og haft góða stjórn á fjárhagnum. Þú getur gert það á tvenna vegu: handvirkt eða með því að nota sérhæfðan hugbúnað. Ef þú vilt gera það handvirkt þá geturðu notað töflur á borð við Excel og Google sheets sem yfirlit yfir hagnað, tap og kostnað.
En þótt það sé ódýrt að vera með handvirkt bókhald þá er það líka gríðarlega tímafrekt. Lítil fyrirtæki nota oft hugbúnað fyrir bókhald sem veitir nákvæma og fljóta leið til að fylgjast með hagnaði.
Hér er listi yfir sex vel metnar hugbúnaðarveitur í bókhaldi sem eru sérstaklega ætlaðar litlum fyrirtækjum.
FreshBooks er tilvalið fyrir lítil og meðalstór fyrirtæki. Það notast við tölvuský og virkar á öllum tækjum (líkt og spjaldtölvum og farsímum). FreshBooks hefur margoft hlotið verðlaun fyrir þjónustu, þar á meðal sex Stevie verðlaun. Greinar hafa verið skrifaðar um fyrirtækið í m.a. Forbes og The Huffington Post.
Oft er talað um að bókhaldshugbúnaðurinn frá QuickBooks setji staðalinn í bransanum. QuickBooks hefur unnið til verðlauna á borð við „Top-Rated Accounting Software 2021“ frá TrustRadius. Það býður bæði upp á staðbundinn bókhaldshugbúnað og forrit sem notast við tölvuský.
Bókhaldshugbúnaður XERO notast við tölvuský og er viðurkenndur um allan heim. Árið 2021 vann fyrirtækið til tíu verðlauna fyrir framúrskarandi tækni, sjálfbærni og samskipti.
Sage 50cloud Accounting er Windows-forrit sem býður upp á fágaða bókhaldseiginleika fyrir lítil fyrirtæki. Þó að það virki einungis á Windows (og ekki á Apple eða Linux) þá hentar það vel fyrirtækjum sem þurfa á ýtarlegri bókhaldseiginleikum að halda. Vert er að hafa í huga að forritið er aðallega notað á skjáborðinu, en eitthvað aðgengi er þó í gegnum tölvuský.
FreeAgent hefur aðsetur í Edinborg og er bókhaldshugbúnaður í eigu NatWest Bank. Það er sniðið fyrir lítil fyrirtæki í Bretlandi. Fyrirtækið hefur getið sér gott orð og unnið til þrennra verðlauna á Accounting Excellence Software verðlaunahátíðinni árið 2020. Farsímaforritið vann "Top Data and Expense Management Software Product" á AccountingWEB Software verðlaunahátíðinni 2021.
Clear Books er enn annar breskur bókhaldshugbúnaður fyrir lítil fyrirtæki. Fyrirtækið notast við tölvuský og er þekkt fyrir stöðugar endurbætur á forritinu. Clear Books er þekkt í bransanum og hefur hlotið verðlaunin „Small Business Accounting Software of the Year 2020“ og „Data & Expense Management Software of the Year 2020“.
Það skiptir engu máli hversu lítil dropship verslunin þín er þegar þú byrjar: bókhaldshugbúnaður heldur bókhaldinu í lagi. Handvirk uppfærsla í töflu er meiri böl en ánægja. Nákvæmt og áreiðanlegt bókhald gerir rekstur dropship fyrirtækisins mun auðveldari.
Aðrar gagnlegar greinar: